Vagante

Mundart Punkrock

Was gits nöis?

29.05.2022

Sit drbii we d'Vagante, nächschte Samsti am 4.6, dr Dachstock aus erschti Band vom Abe usenang nähme. Am 8ti isch Türöffnig u am 9ni geiz los...


11.04.2022

Mir si i derä usgsproche komfortable Lag, scho wider nöi Vagantekonzärt azchünde:
Am 4.6 houe mir im Dachstock, bim Krachstock, ordentlech ufe Putz. Mit vier angerne Bands zeige mir dert was Grönland so aues z'biete het. (oder wie das Land nöime heisst...)
Am 16.7 spile mir im heimelige Plan B Records, bi schönem Wetter sogar im Garte. We dir auso uf Vinyl, Vagante, Bier u eventuelle Sunneschiin stöht, heit dir 3 bis eventuell 4 Flöige uf ei Dätsch.
Eui Vagante
Als Erinnerig zu üsem unmittelbar bevorstehende Gig no de charmant Flyer...


19.03.2022

E erfreulechi Nachricht het üs gester erreicht, mir dörfe hüt abe aus Vorband vo Zirka ihspringe ir Kulturhalle Sägegasse in Burgdorf. Auso, wet no nüt los hesch, pack dir d'Outoschlüssle oder stig i Zug ih oder wie oh immer das'd wosch cho, d'Vagante stöh am haubi 10ni uf dr Bühni u ahschliessend di ungloublech sympathische Herre vo Zirka.
Eui Vagante


08.03.2022

Spät, aber no laaang nid z'spät, furze oh mir ändlech iz 2022 drii, mit ganz viu schöne Neuigkeite.Nummer 1:
Mir hei ändlech es nöis Datum für üses Konzert im Spycher Münsingen. Am 30.4.22 wärde mir dert zämä mit Loretta us Bern uf dr Bühni stah, chömet verbii u erläbet die "Odyssee des Rock" mit.
Nummer 2:
Dr wunderschön u talentiert Schlagzüger Jonas Wüthrich, wo üs scho letschts Jahr für 2 Konzert ungerstützt het, wird offiziell e Vagant u wird dr witer Wäg vo derä Band mit üs bestriite. Gründigs-Mitglid u bisherig Schlagzüger Adrian Affolter cha leider us gsundheitleche Gründ nüm drbii sy. Mir wünsche im aues guete u vor allem gueti Besserig u danke ihm für die Zyt u aues wo mir mit ihm erläbt hei. Hei Ädu: du bisch immer härzlech wiukomme ufnes erfrüschends Bierli im Bandruum...
Nummer 3:
So iz heimers de grad: Wär nid bis am 30.4 wott warte für d'Vagante Live z'gseh, cha bereits morn, 9.3 id Mahogany Hall z'Bern cho, sis Bier ohni Zertifikat über d'Bar verschütte u die einzig wahre Vagante lose...
Eui Vagante

03.12.2021

Uf Grund vo de nöie Corona-Massnahme isch üse Gig, wo morn 4.12 hät stattgfunde, abgseit. Z'Konzert wird ufe Früehlig 2022 verschobe, z'gnaue Datum wird folge...


29.11.2021

Nachere unvergässleche 2te EP-Toufi letscht Samsti, fröie mir üs ufe letscht Gig vo üsere EP-Tour. Chömet am 4.12 i Spycher Münsingen u fiiret nomau mit üs !!!
Bis grad: eui Vagante


29.10.2021

Es fröit üs dörfe z'verchünde, das Vagante abem hütige Tag, bi DMB Records Bern unger Vertrag si. Mir fröie üs uf die zuekünftigi Zämäarbeit u Konzert!!!


25.10.2021

Wär a üsere EP-Toufi 2.0, ir Biberena, ganz sicher no es Plätzli wet, dä darf sech gärn eis reserviere.


10.10.2021

Nachere gigantische EP-Toufi im Akut z'Thun, fröie mir üs scho riisig ufe nächscht Gig, aus Vorband vo Zirka ir Heimwehflueh in Interlaken am 6.11. Merci a aui wo a die hammer Party si cho u ds Wärk mit üs gebührend mit Mayonnaise touft hei.


25.09.2021

Sehr geehrti Dame und Herren, es isch sowit, üsi EP isch da und uf aune mügleche Plattforme hörbar, wie oh physisch beziehbar.
Nacheme Schweisstribende halbe Jahr chöit dir das Wärk beguetachte und üs uf üsere bevorstehende Tour cho bsueche. (EP-Taufi 2.Okt im Akut Thun)
Im nachfolgende Video no es chlises Interview mit de Vagante:


10.09.2021

Z'letschte Datum vor EP-Tour?
Jawoll...
Es isch sowit, am 04.12, göh mir im Spycher Münsingen verbii, um üsi Tour gebührend abzschliesse.


10.09.2021

E Wunderschöni Neuigkeit hei oh mir mau wider z'vergäh:
Am 6.11 dörfe mir im Blago Bung in Interlaken dr Support vo Zirka, uf derä ihrere "Wer schreit lügt nicht" Tour, mache.
Sit drbii we d'Vagante uf dr Bühni stöh.
Z'letschte Datum vo üsere EP-Tour folgt scho ganz glii...


25.08.2021

Schön isches gsii,
mir si nass gsi bis uf d'Huut.
Chömet wider verbii,
z'nächschte mau im trochnige AKUT.
Openair Deisswil 07.08.2021


25.07.2021

Z'erschte Konzärt vo de Vagante chunt früecher aus dänkt. Churzfrischtig si mir iglade worde am Openair Deisswil z'spile.
Am Samstig, 07.08 am vieri, wärde euch 45 Minute Vagante um d'Ohre ghoue, u "kein Bier vor Vier" für die wo das Wünsche, uf die Art sogar ungerstützt.
Mir si Parat


03.07.2021

D Vagante präsentiere öich die erschti schmackhafti Single vo üsere bevorstehende EP!
Mit ganz viu Härzbluet, Zyt u Mayonnaise isch das Meisterstück entstande, auso nämet öichi Tubene füre und singet luthaus mit!
Mir wünsche öich dr grösst Spass und ganz viu Serotonin-usschtoos bim inezieh und hoffentlech hets keni Mayo Allergiker unger öich!


24.06.2021

Schlag uf Schlag geits witer u das ono grad mitere zwöite EP-Taufi.
Di 3 rock-metal-chanson-punk'n'roll Vagante, lade am 27.Nov zum nächschte Konzärt.
Tierfründlech wi mir si, ir Biberena in Biberist, u we dir euch fraget "warum e zwöiti EP-Taufi?" - tja warum nid?
witeri Tourdate folge...


21.06.2021

z'erste Konzert vo üsere Ep-Release Tour isch bestätigt.
Dr Gig wo glichzitig üsi Ep-Toufi wird, findet am 2.Okt. im AKUT Thun statt.
Fröiet euch uf endlech wider Poge, Bier trinke und Live Musik lose, das aues mit Vagante a forderster Front.
Mir fröie üs risig!!!
witeri Tourdaten folge...


12.02.2021

Endlich isch es sowit:
D'Vereinigung vo üsem erste Musikvideo, mit üsere erste Single.
Ungerem Motto:
Einisch isch z'erste Mal *)

Über üs

Äs Trio, wie's d'Schwiz vermisst het:
Mit nid wenig Humor u're benötigte Prise Sarkasmus, hei d'Vagante im 2020 drmit startet, euch ihre Punkrock um d'Ohre z'houe.
Mit ihrere erste EP im Gepäck, bringe si nid numme eui Pobacke zum schwinge und fördere eues Verlange nach Mayonnaise, sondern zeige, Gott sei Punk, was me ah länge Haar, mit Gäud, aues chönnt erobere.
E ufschrei gäge Zyt, miteme breite Lächle im Gsicht.
blablabla...
Dir chöit ds aues glii verstah.


Auschnitt im Thuner Tagblatt vom 28.09.2021

Konzärt

chunt glii...

WasWoWennWebsite
KrachstockReitschule Bern04.06.2022dachstock.ch
Plan B RecordsBern16.07.2022planb-records.ch
HafebarSolothurn23.09.2022hafebar.ch

scho verbii...

WasWoWennWebsite
Keku MünsingenSpycher Münsingen30.04.2022jugendfachstelle.ch
Support von ZirkaKulturhalle Sägegasse Burgdorf19.03.2022saegegasse.ch
OpenmicMahogany Hall09.03.2022mahoganyhall.ch

EP Release Tour 2021
"Mir si d'Vagante"

WasWoWennWebsite
EP-ToufiAKUT Thun02.Okt.2021akut-thun.ch
Support von ZirkaBlago Bung06.Nov.2021blago-bung.ch
EP-ToufiBiberena Biberist27.Nov.2021biberena.ch
KellerkulturSpycher Münsingen04.Dez.2021Verschoben
WasWoWennWebsite
Debüt KonzärtOpenair Deisswil07.08.2021openairdeisswil.ch

Musig

Debüt EP: Mir si d'Vagante

Single: E Zyt isch verbii

Videos

Galerie

Lädeli

Mir si d'Vagante EP
15 CHF

T-Shirt: Vagante (XS,S,M,L,XL)
25 CHF

Kontakt

Wosch e Vagant erreiche, e CD oder es T-shirt bstelle, irgendwelche Quark verzelle oder z'Nummero vom Drummer becho?
So nutz doch dä Äxtra für di Parat gmacht Talon...